Parafraseando a Jerry Seinfeld, ao probar esta sopa “you will be stunned”. Stunned by soup? Hell, yeah.

Ingredientes

  • Aceite suave
  • Manteiga
  • 1 cebola grande picada
  • 1 apio picado
  • 1 dente de allo picado
  • 1 anaco de xenxibre picado
  • 1 mazá áceda e de carne dura, picada (tipo de espiño ou tipo duraza)
  • 1 cenoura
  • 1 cullerada xenerosa de curri
  • 1 cullerada xenerosa de fariña
  • 0,1, 2 ou 3 malaguetas
  • 1,5 litros de caldo de polo ou auga
  • 3 culleradas de concentrado de tomate
  • 2 Zancos de polo sen oso e sen pel, en anacos
  • Media cunca de leite de coco
  • Zume de medio limón
  • Sal e pementa
  1. Nunha pota alta, pasar por unha mestura de aceite e manteiga as cebolas e o apio. Uns 10 minutos.
  2. Engade o dente de allo, xenxibre, mazá, cenoura e cociña outros 5 minutos
  3. Engade o curri, a fariña e tantas malaguetas como queiras. Un pouco de comiño extra non lle senta mal. Remexe un par de minutos.
  4. Engade o caldo e deixa cocer a lume medio durante 20 minutos.
  5. Tras eses 20 minutos, engade o polo en anacos e coce outros 20.
  6. Tras eses 20 minutos, engade o leite de coco e coce 5 minutos.
  7. Bota zume de limão, sal e pementa ao gusto.
  8. Servir, comer.

Podes cocer un pouco de arroz e botalo na sopa. Ou podes cocelo nela nos últimos 15 minutos. Se non queres arroz, non o fagas.

Se non tes leite de coco, bota un iogur ou nata para que a sopa colla corpo.