Porcallada gourmet: un bolo de pan recheo dunha pasta de queixo que impresiona á primeira. Parece sofisticada, pero non o é. O que importa é aparentar.

Ingredientes

  • Un bolo de pan de medio kilo (ou 3-4 pequenos)
  • Un bote de maionesa de ≈ 450 ml
  • 500 g de queixo ralado. Explico máis abaixo que queixo usar.
  • Media cebola picada fina
  • Unha cullerada de mollo Perrins
  • Aceite, sal e pementa
  1. Corta a parte de arriba do pan, baleira con coidado e garda o miolo e a tapa.
  2. Refoga suavemente a cebola até que fique lixeiramente dourada.
  3. Mestura a maionesa, o queixo, a cebola, o mollo Perríns e remexe a lume baixo até obter uma masa.
  4. Tempera con sal e pementa ao gusto.
  5. Rechea o pan coa mesa e mete no forno a 180º durante 20-30 minutos.

O bolo estará listo cando estea crocante. Cómese collendo anacos de pan e mollando na pasta de queixo. Co miolo podes facer cubos e torralos no forno ao mesmo tempo que o pan.

Escolle un queixo do que gostes, pero funciona moi ben con queixos intensos: pecorino, cheddar curado, zamorano, parmesano… Podes mesturar con queixos máis suaves.